[ود قنــوب]

سـيبـناهـو المـضى والنبــدا صــفـحه جديــده
كلـهـــــا إحــترام لـي النـاس مـــوده وريـــده
نــتكاتـف سوا وســيرة الخـــلاف مـانعـيــــده
نــتـداول إمــــور فـي الواحـــه تـبقى مـفـيــده

خـــليـنا الخــــلاف نـــتلـمَّ نــقـعــد ســـــــــــوّا
طـيـبــنا الخـــواطــر وبــي بـعـض نـتقـــــوّى
خـــلي البـيـنّا تــعـمِـر والعــــدو اليــتــكـــوى
أخــــوان ديـــن وبـيـنا أرحـــام وأمـنا حــــوا

نــضــرع ونـبـتـهل ندعـــو الكــريم نــتمــــنى
الراكـــــوبــه لــي زُواره تـصــبــــح جــــــــنه
فــيـها شـهـامــه فـيها كـرامـه فـيها محــــــنّه
تـعـكـس صـــوره للغـيـر رايـعـه عـن :
دويـــــــ بلادـــــــم ود حـــــــ الطيبةـــــاج

مساحة للونسة ولمة الاحباب
مساحة للمرح والضحك والفرفشة
مكان لشرب القهوة والجبنة وتبادل احلى القفشات والونسة الدقاق

وبمناسبة افتتاح المنتدي

القهوة مجان لمدة ( 7 ) أيام ، يلا يا اخوانا السمع يحدث الما سمع
4079coffee.jpg
البــن حــبـشي وكل الطـقــوس حـاضـــرة

[سيف الدين الرشيد سيداحمد]

جيت الراكوبة لقيت الحبشية قاعده براها وين الناس

[ابوبكرهاشم]

بسم الله ثانى المشاركين فى الراكوبه

[ابوبكرهاشم]

اقتباس : المشاركة الأصلية كتبت بواسطة سيف الدين الرشيد سيداحمد [ مشاهدة المشاركة ]

جيت الراكوبة لقيت الحبشية قاعده براها وين الناس

مشو الفطور

[محمد الرفاعى]

ود قنوب:

__________________________________________________ __________________________________________________ ________________________________________________

دويـــــــ بلاد ـــــــم ود حـــــــ الطيبةـــــاج
مساحة للونسة ولمة الاحباب
مساحة للمرح والضحك والفرفشة
مكان لشرب القهوة والجبنة وتبادل احلى القفشات والونسة الدقاق
مشكور ود قنوب كفيت وأوفيت

[ود قنــوب]

حباب سيف الدين وحباب ود هاشم ابوبكر
شرفتونا والله تعالو في قفا الراكوبة الدفويه
باقي الليلي جابتلها سقط يا بت الحقينا
بي تلاتة قهوة .............. خبركم شنو ؟

[ابوبكرهاشم]

اقتباس : المشاركة الأصلية كتبت بواسطة ود قنــوب [ مشاهدة المشاركة ]

حباب سيف الدين وحباب ود هاشم ابوبكر شرفتونا والله تعالو في قفا الراكوبة الدفويه باقي الليلي جابتلها سقط يا بت الحقينا بي تلاتة قهوة .............. خبركم شنو ؟

القهوه شنو مواعيد الفطور يا زول

[ود قنــوب]

اقتباس : المشاركة الأصلية كتبت بواسطة محمد الرفاعى [ مشاهدة المشاركة ]

ود قنوب: __________________________________________________ __________________________________________________ ________________________________________________ دويـــــــ بلاد ـــــــم ود حـــــــ الطيبةـــــاج مساحة للونسة ولمة الاحباب مساحة للمرح والضحك والفرفشة مكان لشرب القهوة والجبنة وتبادل احلى القفشات والونسة الدقاق مشكور ود قنوب كفيت وأوفيت

فى حضرة جلالك .. يطيب الجلوس .. مهذب امامك يكون الكلام
حبيبنا محمد الرفاعي
صباح الخير والله
شرفتنا وافرحتنا ونورتنا .....وابقي داخل
والراكوبة راكوبتك والجبنة جاهزة يالحبيب

[ايهاب عبدالرحيم]

يا اخوانا الوكت وكت فطور
وقيع الله دا ما يفوتنا بالجبنة
انا غايتو ان ما فطرنى مانى زاح من هنى

[ود قنــوب]

اقتباس : المشاركة الأصلية كتبت بواسطة ابوبكرهاشم [ مشاهدة المشاركة ]

القهوه شنو مواعيد الفطور يا زول

ود هاشم فطور شنو الساعة 11
بعدين الحدثك دا منو ؟ والله غشاك
قالك الفطور مجان .... جبنه بس
لكن علي الحلف اكان تفطر معاي
ومن هني ولي قدام ناس قهوة بس.

بدر لا تسويلي سوات ناس ادروب (والولف كتال)